Mənzil almaq istəyən hər bir şəxsin ilk olaraq düşündüyü büdcəsinə və zövqünə uyğun ev əldə edə bilməkdir. Bunun üçün də onlar ya əmlakçılara, ya da ki, əmlak saytlarına üz tuturlar. Bəs şəhərimizdə ən çox hansı ərazilərdə satılan evlərə və layihələrə üstünlük verilir? Ümumiyyətlə əmlak bazarında qiymətlər necədir?
Xeberle.com olaraq bu barədə məlumat almaq üçün sumqayıtda.az əmlak saytının admini Elnur Əliyevlə əlaqə saxladıq. Onun sözlərinə görə, evlərin qiyməti əsasən mərtəbəsinə, layihəsinə və təmirinə uyğun olaraq müəyyənləşir:
"Sumqayıt kiçik şəhərdir. Hər yerdən evlərə tələbat olur. Evlərin qiyməti əsasən mərtəbəsinə, layihəsinə və təmirinə uyğun olaraq müəyyənləşir və alıcılar da bu kimi xüsusiyyətlərə üstünlük verirlər. Alıcıların ən çox üstünlük verdikləri "Leninqrad” layihəsidir. Hər mikrorayon və ya məhəllənin öz müştərisi var. Şəhərimizdə 1 otaqlı mənzillərin qiyməti layihə, mərtəbə və təmirinə müvafiq olaraq 25000 AZN-dən 40000 AZN-ə kimi dəyişir. 2 otaqlıların qiyməti 48000- 55000 AZN, 3 otaqlıların qiyməti isə 55000-75000 civarında olur”.
Elnarə Salamova
Xeberle.com
Xəbərdən istifadə edərkən istinad etmək vacibdir.
