Hamımız gündə iki litr su içməyin orqanizmə olan faydaları haqqında məlumatlıyıq. Son zamanlar havanın çox isti keçməsi suya, xüsusilə də soyuq suya olan təlabatı artırıb. Bəs soyuq su orqanizmə faydalıdırmı? Ümumiyyətlə o hansı xəstəliklərə səbəb ola bilər?
Bu barədə Xeberle.com-a açıqlama verən terapevt Anar Ağayev bildirdi ki, su soyuq şəkildə deyil, otaq temperaturunda qəbul olunmalıdır:
"Soyuq su insanda xroniki faringitin kəskinləşməsinə, anginanın əmələ gəlməsinə, tonzillit xəstəliyinin yaranmasına səbəb ola bilər. Günvurma zamanı ilk yardım olaraq bədənin açıq nahiyələri nəm dəsmalla silinməli və həmin şəxs günün altından uzaqlaşdırılmaqla kölgəli yerə aparılmalıdır. Həmçinin günqoruyucu papaqlardan istifadə etmək, çoxlu maye qəbul etmək lazımdır (otaq temperaturunda)”.
Elnarə Salamova
Xeberle.com
Xəbərdən istifadə edərkən istinad etmək vacibdir.
