"Yollarımız bərbad vəziyyətdədir. Kələ-kötür yollardan yağış yağanda palçıq əlindən
keçmək olmur."
Bu sözləri Xeberle.com-a 9-cu mikrorayon, 27A/11-də yaşayan sakinlər adından Samir Novruzov deyib.
Bina sakini deyir ki,
bir müddət əvvəl yolu qismən düzəltmişdilər,
amma ərazidən ağırtonnajlı yük maşınları keçdiyindən çalalar əmələ gəlib:
"Binaların dam örtüklərində təmir işləri aparıdığından sözügedən yoldan keçən
ağır texnikalar həyətimizi yararsız hala saldı, asfalt örtüyü dağıldı. Səkidə yeriyəndə ayağının altına baxmalısan
ki, büdrəyib yıxılmayasan. Maşınlar da ən aşağı sürətlə belə çökək, daşlı-kəsəkli
yoldan çətinliklə keçir".
Məsələ ilə bağlı Sumqayıt Mənzil Kommunal Təsərrüfatı
İstehsalat Birliyinin baş mühəndisi Atəş Məmmədovla əlaqə saxladıq. Baş mühəndis Xeberle.com-a problemlə bağlı məlumatlı
olduqlarını bildirdi: "Problemdən xəbərimiz var. Sözügedən binada dam örtüyünün yenilənməsi işi tam bitsə
də,əraziyə yaxın binalarda hələ də iş gedir deyə asfaltlama işini saxlamışıq. Binaların
damında işlər tam bitdikdən sonra bütün binaların həyətlərində asfalt döşəmələri
yenilənəcək."
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
