Yeni – 2018-2019-cu illər dərs mövsümünə qədəm qoyduq. İl boyu bütün müəllimlərin və valideynlərin dərsliklərdən əlavə hansı vəsaitlərdən istifadəsi həmişə müzakirə olunan mövzulardan olur. Xüsusən əlavə dərs vəsaitləriylə bağlı bir vaxtlar ibtidai siniflərdə çətinliklər və narahatlıqlar, habelə boşluqlar mövcud idi. Kiçik bir araşdırmadan sonra məlum oldu ki, artıq Aygün Məcidova adlı müəllifin əlavə çalışmalar, testlər və didaktik materiallara dair kitabları ibtidai siniflərin harayına çatıb.
Maraqlıdır, bu müəllifin kitablarının özəlliyi nədir və nə üçün daha tez populyarlıq qazandı?
Mövzunun aktuallığını nəzərə alaraq A.Məcidova ilə əlaqə saxladıq. Müəllif Xeberle.com-a müəllifi olduğu tədris vəsaitlərinin danışarkən bildirdi ki, İbtidai siniflər üçün Azərbaycan və rus dillərində "Azərbaycan dilindən testlər”, "Riyaziyyatdan didaktik materiallar” və sair adda 40-a qədər kitabın müəllifidir. O, kitablarının fərqi barədə söz açaraq digər nəşrlərin də özünəməxsus özəlliklərinin olduğunu, lakin digər kitablarda uşaqların əsasən riyaziyyatı öyrənməkdə çətinlik çəkdiyini qeyd etdi: "Əsas dərsliklərdə çoxsaylı çalışmalara yer çatmadığından, əlavə material kimi onlardan istifadə edirlər. Ona görə də bu tədris vəsaitlərində dərsliklərdə olduğu kimi eyni başlıqlarla verilir. Mənim yazdığım tədris vəsaitində isə uşaqlar riyaziyyat fənni üzrə konkret və vacib məzmun üzrə tapşırıqları yerinə yetirdikcə, müəyyən bir prinsiplə riyaziyyat elminə yiyələnirlər. Kitabın konsepsiyası bütöv bir metodik sistemə əsaslanmış və məzmun didaktik prinsiplər əsasında müəyyənləşdirilmişdir”.
Qeyd edək ki, bu kitabları Azərbaycanda bütün kitab satış nöqtələrindən əldə etmək mümkündür.
Xəbərdən istifadə edərkən istinad etmək vacibdir.
