Müasir dövrdə yeni-yeni yollar, magistrallar, körpülər inşa olunur. Təbii ki, bunlar alqışlanası bir haldır.
Xeberle.com olaraq, Sumqayıtda zaman-zaman üzərində dayandığımız problemlər də var ki, bunların həlli olduqca asandır. Bu problemlərin çoxu da artıq demək olar ki, həll olunub. Məsələn, əvvəllər işıq dirəyi olmayan küçə və yollarda artıq bəzəkli və müasir işıq dirəkləri quraşdırılıb. Lakin təəssüf hissiylə deyirik ki, hələ də gecələri zülmətə qərq olan küçələr də mövcuddur.
Şəhər əhalisi arasında "Yaşadığınız ərazidə axşamlar küçə işıqlandırılırmı?” sualı ilə müraciət etdiyimiz sorğusunun nəticələri göstərdi ki, hələ də işıqdan məhrum küçələrimiz var.
Mövcud problemlə əlaqəli olaraq Sumqayıt şəhər Küçə İşıqları İdarəsiylə əlaqə saxladıq. Qurumdan bildirildi ki, Sumqayıtın girişində salınan yaşayış massivində evlər hələ indi-indi tikilir və yeni salınmış yaşayış massivi olduğu üçün ərazidə işıqlandırma olmaya bilər, lakin qalan bütün küçələr işıqlıdır.
Ümudvarıq ki, məsələ tezliklə həllini tapacaq.
Xədicə Səxavət
Xeberle.com
Xəbərdən istifadə edərkən istinad etmək vacibdir.
