Artıq 2018-ci ili geridə qoyduq. Ötən il ölkəmizdə
və həmçinin şəhərimizdə bir sıra sahədə önəmli hadisələr baş verdi. İl dəyişdi,
arzular, istəklər də dəyişdi, böyüdü.
Hər kəsin Yeni ildən müxtəlif gözləntiləri olur. Xüsusilə də, gənclər bu ili böyük həvəslə
qarşılayırlar. Onlar yeni ili yeni işin, həyatın yeni mərhələsinin başlanğıcı
kimi qiymətləndirirlər. Hətta deyərdim ki, yeni il onlar üçün yeni bir işə
başlamaqda motivasiya rolunu oynayır. Bu dəfə gənclərdən 2019-cu il
üçün gözləntilərinin
nə olduğunu soruşduq.
Osman
Hacıyev, Sumqayıt Dövlət Universitetinin Tarix fakültəsinin dekan müavini
2019-cu ildə şəhərimin gənclərini daha intellektual görmək istəyirəm. Elektron resurslarla təmin
olunmuş kitabxanaların olmasını, gənclərin kitabxanaya və kitaba marağının
artması üçün şəhərimizdə böyük kitabxanalar açılsın. Necə ki, şəhərimizdə
Şahmat məktəbi, Poeziya evi, Musiqi məktəbi üçün gözəl, müasir binalar inşa
edilərək şəhər
sakinlərinin istifadəsinə verilib, eləcə də bir binanın kitabxana üçün
ayrılmasını istərdim.
Ramiz Əliyev, "Sağlam Düşüncə” Gənclər Təşkilatınınhəmtəsisçisi
Sumqayıtı velosiped şəhəri görmək istəyirəm. Şəhərimizdən ən böyük gözləntim velosiped
yollarının salınmasıdır. Düşünürəm ki, bununla bir çox problem öz həllini
tapacaq.
Günel
Eyvazlı, yazıçı
Bacarıqlı idarəçiliyi bacaran gənclərin ətraflarına özləri kimi gəncləri
toplayaraq şəhərimiz üçün hər hansı uğurlu işlər görməsini istərdim. Həmçinin də
Sumqayıtlı gənclərin uğurlarını işıqlandıran mətbu orqanımızın olmasıni çox istərdim,
söhbət bir iki gəncin şeirlərinin yayımlanmasından getmir. Gənclərin fəaliyyətini
işıqlandıran, geniş profilli mətbuat orqanına çox ehtiyac olduğunu düşünürəm.
Rəhman
Rəsulov, ARB 24 telekanalının aparıcısı
2019-cu ildə Sumqayıtda gənclərin istirahət edə biləcəyi daha müasir və xidmət
keyfiyyəti yüksək olan məkanlar, şəhərin təmizliyinə qayğı göstərən şəhər
sakinləri və Bakıya gedənlərin rahatlığını təmin etmək üçün sayı artırılacaq
müasir ictimai nəqliyyat vasitələri gözləyirəm.
Ülvi
Məmmədov, Dövlət qulluqçusu
Sumqayıtda hər bir sahədə inkşaf var və bu özünü hər addımda büruzə verir. Şəhərimizdə
yeni yeni zavod və fabriklər tikilərək istifadəyə verilib. İstərdim 2019-cu ildən
sınaq müddətində olan zavod və fabriklərimiz tam qüvvəsiylə işə düşsün və şəhərimizdə
işsizliklə əlaqəli problem qalmasın. Əhalinin maddi rifah halı daha da gözəlləşsin
və buna da şox böyük ümüdlərimiz var.
Vüsal
Məmmədov, jurnalist
Hərçənd bir ilin digərini əvəz etməsi təbiət hadisəsi deyil, yalnız təqvim
hadisəsidir. Ancaq
nə qədər formal olsa da, bu təqvim dəyişikliyi bizi yeni əhvala kökləyir və bu
da çox vaxt bizi yeniliklərə, dəyişikliklərə doğru aparır. İnanıram ki,
Sumqayıt, sumqayıtlılar üçün də 2019-cu il daha uğurlu olacaq. Son illər şəhərimizin
nə qədər dəyişdiyini söyləmək, Sumqayıtın Qafqazın ən gözəl şəhərlərindən birinə
çevrildiyini demək yəqin ki, mübaliğəli görünməz. Bu, bir reallıqdır.
Bir-birindən əhəmiyyətli infrastruktur layihələri, yenidənqurma, abadlıq işləri,
yeni müəssisələrin fəaliyyətə başlaması Sumqayıtı yeni şəhərə çevirir. Növbəti
ildə də gözləntim odur ki, bu proses davam etsin. Sumqayıt sənaye mərkəzi kimi
mövqeyini gücləndirməkdə, yeni iş yerləri açılmaqda davam etsin. Bu, Bakıda işləyən
sumqayıtlıları tıxaclardan, vaxt və enerji itkisindən xilas edər.
Nərmin
Şamilbəyli, gənc politoloq, jurnalist
Görüntü olaraq əslində şəhərimiz çox gözəldir, infrastruktur baxımından hər şey
qaydasında olan şəhərimizin ictimai fəallığa ehtiyacı var. Məsələn, Sumqayıta qonaqlar
çox az gəlir, yalnız rəsmi şəkildə, dəvətlə gələn qonaqlar üstünlük təşkil
edir. Elə bir sistem qurub, fəallıq yaratmaq lazımdır ki, gələn qonaqlar Sumqayıta da gəlsinlər. Buradakı aktivlik görüntü
ilə məhdudlaşmasın və "Gənclər
şəhəri” olan
Sumqayıtın aktivliyində gənclərin rolu daha çox olsun.
Hazırladı: Xədicə Səxavət
Xeberle.com
Xəbərdən istifadə edərkən istinad etmək vacibdir.
