Bu barədə Xeberle.com-a Sumqayıt "Liftservis" birliyindən məlumat verilib. Bildirilib ki, ölkəmizdə ilk dəfə olaraq Sumqayıtda lift xidmətinin intellektual idarəetmə sistemi yaradılıb: "17 və 18-ci mikrorayonlarda liftlərin hamısı tamamilə yenilənərək müasir liftlərlə əvəz olunub, 17-ci mikrorayonda bir hissəsi, 18-ci mikrorayonda isə liftlərin hamısı intellektual idarəetmə sisteminə - Mərkəzləşdirilmiş Dispetçer Xidməti sisteminə (MDX) qoşulub. 2, 3-cü mikrorayonların və 45-ci məhəllənin də liftləri yenilənərək MDX sisteminə keçib. 24 saat ərzində liftlərin iş rejiminə nəzarət edilir. Hazırda 84 lift intellektual sistemə qoşulub. Gələcəkdə bu rəqəmin 300-ə çatdırılması nəzərdə tutulur".

Qeyd edək ki, yaxın müddətdə isə daha 29 binada olan 74 lift yeniləri ilə əvəz ediləcək.

Xədicə Səxavətqızı

Xeberle.com