U.Sultanova Xeberle.com-a bildirib ki, 2007-ci il təvəllüdlü Səkinə Sultanova və 2012-ci il təvəllüdlü Nuray Sultanlının müalicəsi ilə bağlı maddi imkanı çatmadığı üçün aidiyyəti orqanlara dəfələrlə müraciət edib. Müraciətinə biganə yanaşıldığından "ikinci dərəcəli skalyoz” diaqnozu qoyulan övladlarının müalicəsinə dəstək olmasına göstəriş verməsi üçün bir il bundan öncə birinci vitse-prezident Mehriban xanım Əliyevaya məktub yazıb: "Məktubuma cavab olaraq Sumqayıt şəhər İcra Hakimiyyətinə cavab gəldi. İcra hakimiyyəti şikayətimə baxılması üçün məni Sumqayıt şəhər Səhiyyə Şöbəsinə yönəltdi. Onlardan isə cavab gəlmədi. Məcbur qalıb yenidən Mehriban xanıma məktub göndərdim. Şikayətimə baxılmadığını qeyd elədim. Sonuncu dəfə 2019-cu ilin yanvar ayında müraciət etdim, lakin yenə də səhiyyə şöbəsi mənə bir köməklik etmir. Belə süründürmələr davam etdikcə isə övladlarımın müalicəsi gecikir”, - deyə vətəndaş söyləyib.

Xeberle.comolaraq vətəndaşın şikayəti əsasında Sumqayıt şəhər Səhiyyə şöbəsinin müdir əvəzi Səkinə Sadıxova ilə əlaqə saxladıq. S. Sadıxova bildirdi ki, Ulduz Sultanovanın şikayətinin icra edilməsi üçün səhiyyə şöbəsinə göstəriş verilib. Vətəndaş xəstəxanaya dəvət edilərək, bütün lazımi müayinələrdən keçib və ikinci dərəcəli skalyoz aşkar olunub. Müalicə olunması üçün masaj və fizioterapiya təyin edilib:"Lakin vətəndaş bizim edə biləcəyimiz bu yardımlardan imtina edib və əməliyyat olunmasını israr edir. Uşaqlarının xəstəliklərinin əməliyyata götürüləcək bir vəziyyətdə olmadığını vətəndaşa izah etmək istəsək də o, bundan imtina edir. Lakin biz yenə də yenidən müayinələr edəcəyik, əlimizdən gələn köməklikləri təklif edəcəyik. Əməliyyatlıq vəziyyət olsa da, Bakı şəhər Elmi-Tədqiqat Travmatologiya və Ortopediya İnstitutuna göndərəcəyik. Çünki Sumqayıtda bu tipli əməliyyatlar həyata keçirilmir”.

Xədicə Səxavətqızı

Xeberle.com