B. Hüseynov deyir ki, Sumqayıt Təcili Tibbi Yardım Xəstəxanasının Travmatologiya şöbəsinin həkimi Fuad Ağayev tərəfindən aparılan əməliyyat nəticəsində sol qolu yararsız vəziyyətə düşüb.

Bununla bağlı "Youtube" sosial şəbəkəsində videogörüntülər yayılıb.

Məsələ ilə bağlı Xeberle.com xəstənin qolunu əməliyyat edən Fuad Ağayevdən münasibət öyrənib. F. Ağayev açıqlamasında ona qarşı irəli sürülən iddialarının əsassız olduğunu bildirib: "Hazırda vətəndaşın müalicəsini aparıram, heç bir şikayəti yoxdur. İllər bundan öncə xəstənin sol qolunda sümük defekti yaranmışdı və o əməliyyat olunaraqqoluna aparat yerləşdirilib. Həmin nahiyədə yaranan problemin sağalması da bir az çətin mərhələli idi. İkinci əməliyyatında aparat çıxarılaraq qolu gipsə qoyulub. Qısa müddət ərzində də gipsi açılacaq. Maddi sıxıntıları olduğu üçün ikinci əməliyyatını da, dərmanlarınıda öz hesabıma etmişəm. Hətta öz tanışlarımla da ona iş tapmaları üçün danışıqlar aparmışam. Maddi sıxıntıları olduğundan sağalma bərpa mərhələsində çox sıxıntılar yaşayır, mən onu anlayıram".

Xədicə Səxavətqızı

Xeberle.com