Sumqayıtda fəaliyyət göstərən Panda School Əsas Mərkəz tərəfindən hərbi-vətənpərvərlik mövzusunda aksiya təşkil edilib. Mərkəzin kollektivi, azyaşlı öyrənciləri və onların valideynləri İkinci Fəxri Xiyabanda Milli qəhrəman Mübariz İbrahimovun və digər qəhrəmanlarımızın məzarlarını ziyarət etdiblər.
Vətən uğrunda canlarını fəda verən övladlarımızın xatirəsi anılıb, uşaqlar şəhidlərimizə və Vətənə dair şeirlər söyləyiblər. Daha sonra uşaqlar və valideynlər ilə birlikdə Şəhidlər xiyabanı ziyarət edilib, 20 Yanvar haqqında uşaqlara ətraflı məlumat verilib, şəhidlərin məzarları üzərinə qərənfillər düzülüb.
Nəzərinizə çatdıraq ki, daim mənəvi dəyərlərə sadiq qalan Panda School Əsas Mərkəzdə şəhid ailələri üçün təhsil tamamı ilə ödənişsizdir.
Xəbərdən istifadə edərkən istinad etmək vacibdir.
