Hərbi Hava Qüvvələrinin pilotu, polkovnik-leytenant Rəşad Atakişiyev son mənzilə yola salındı. 34 yaşında şəhid olan pilotla bu gün keçirilən vida mərasiminə ailə üzvləri, yaxınları, Müdafiə Nazirliyinin rəhbərliyi, eləcə də pilot yoldaşları qatılmışdılar.
Vida mərasimində iştirak edənlərdən biri Aprel döyüşlərində qəhrəmancasına şəhid olan pilot mayor Təbriz Musazadənin həyat yoldaşı Pərişan Musazadə idi. 3 il əvvəl həyat yoldaşını itirən P.Musazadə Rəşad Atakişiyevin xanımı Könül Hüseynova ürək-dirək verir, onun ağrı-acısını bölüşürdü. Bir-birilərinə sarılan şəhid xanımları hamının qarşısında vüqarla dayanmışdılar.(azvision.az)
Xəbərdən istifadə edərkən istinad etmək vacibdir.
