Kütləvi informasiya vasitələrində və sosial şəbəkələrdə yüksək
sürətlə at çapma bacarığı ilə məşhurlaşan Gülay Fərzəliyevaya Dünya Azərbaycanlıları
Mədəniyyət Fondunun rəhbəri, Avropa Azərbaycanlıları Konqresinin birinci vitse
- prezidenti, iş adamı Füzuli Məmmədov Qarabağ cinsindən olan at hədiyyə edib.
Bu barədə Xeberle.com-a G. Fərzəliyevanın atası Vüsal Fərzəliyev
məlumat verib. O, bildirib ki, bir müddət öncə F. Məmmədova məktubla müraciət
edilib: "Füzuli Məmmədov bizim bu istəyimizə müsbət cavab verdi. Və
qızıma Qarabağ cinsindən olan at hədiyyə etdi. Hədiyyəyə görə, həmyerlimizə öz
minnətdarlığımızı bildirik".
Xatırladaq ki, Sumqayıt şəhərində yaşayan 10 yaşlı G. Fərzəliyeva at çapma bacarığı ilə
tanınır.
Xəbərdən istifadə edərkən istinad etmək vacibdir.
