"Xəstə
övladımla kirayələrdə yaşadığım üçün keçmiş icra başçısı
2011-ci ildə mənə burada yaşamağa otaq ayırdı.
Qaçqınlar bu binaya yerləşəndə bina yarımtikili vəziyyətdə olduğundan, dam
örtüyü tam vurulmayıb və yağış suları evin içinə tökülür. Bu da yaşadığımız
otaqlarda rütubəti və nəmi artıraraq binanın divarlarında da çatlar əmələ gətirib. Qaçqınlarla birlikdə belə qəzalı şəraitdə olan binada
yaşadığımı dəfələrlə aidiyyatı qurumlara bildirmişəm, lakin hələ də baxan
olmayıb. Bina ümumilikdə qəzalı vəziyyətdədir.
Qonşuların da evlərində dəfələrlə divarların uçması hadisələri baş verib.”
Bu sözləriXeberle.com-a Sumqayıt şəhər 16-cı mikrorayon 106 saylı binanın
sakini Ludmila Şahmuradova deyib. O, bildirib ki, onunla yanaşı binada Zəngilan rayonundan məcburi köçkün düşmüş 38
ailə də yaşayır. Onun sözlərinə görə, dəfələrlə
aidiyyatı qurumlara müraciət etsə də yaranan problemin aradan qalıdırlması istiqamətində heç bir tədbir görülməyib".
Məsələ ilə
bağlı Sumqayıt şəhər Mənzil Kommunal Təsərrüfatı
İstehsalat Birliyi ilə əlaqə saxladıq. Qurumun sözçüsü Xəqani Həşimov Xeberle.com-a bildirdi ki, binanın yerləşdiyi ərazi onların balansında
olmayıb və bu binalar yaxınlarda qurumun tabeliyinə verilib: "Sözügedən əraziyə
baxış keçirilib və müvafiq tədbirlər görüləcək".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
