Sərəncamla Sumqayıt şəhərinin 70 illiyi münasibətilə və şəhərin sosial-iqtisadi inkişafında xidmətlərinə görə bir sıra şəxslər təltif olunublar.

Xeberle.com-un araşdırmasına görə təltif olunanlar arasında Sumqayıtın tanınmış simaları da var.

Belə ki, Sumqayıt Bələdiyyəsinin sədri Əsədov Sultan Misir oğlu, Sumqayıt Poeziya Evinin direktoru Hacıyev İbrahim Musa oğlu, həkim Quliyev Hümbət Həsən oğlu, "Dünya” TV-nin kommersiya direktoru Bəhrami Rais Yusif oğlu, Sumqayıt Dövlət Dram Teatrının aktyorları Səlimov Yalçın Üzeyir oğlu, Səfərli Mətləb Səfərağa oğlu, Sumqayıt Telekommunikasiya Qovşağının rəisi Salmanov Nəriman Ağalı oğlu, Sumqayıt Dövlət Yanğından Mühafizə Xidmətinin keçmiş rəisi Süleymanov Süleyman Əzizağa oğlu, "Sumqayıt” qəzetinin əməkdaşı Quliyev Subxan Qafar oğlu və məşhur bədihəçi Əliyev Namiq Həsən oğlu da (Namiq Məna) "Tərəqqi” medalı ilə təltif ediliblər.

"Sumqayıtçörək” ASC-nin direktoru, keçmiş deputat Tofiq Gülmalı oğlu Hüseynli isə 3-cü dərəcəli "Əmək” ordeni ilə təltif olunub.

Sumqayıt şəhər 1 nömrəli Doğum Evinin baş həkimi Rəcəbli Təranə Zakir qızı və Sumqayıt şəhər 4 nömrəli poliklinikanın baş həkimi Ağayev Canibəy Əli oğlu isə "Əməkdar həkim” fəxri adı ilə mükafatlandırılıblar.

Tanınmış jurnalist Əliyev Əli Nəcəfxan oğlu isə "Əməkdar jurnalist” fəxri adına layiq görülüb.

1 saylı Uşaq-Gənclər İdman Məktəbinin direktoru, XXVIII Afina Yay Olimpiya Oyunlarının bürünc mükafatçısı olan veteran boksçu Aslanov Fuad Alxan oğlu, iqtisad elmləri doktoru, Sumqayıt Dövlət Universitetinin professoru Əliyev Şəfa Tiflis oğlu və Sumqayıt Dövlət Universitetinin müəllimi, "Tərəqqi” medallı pedaqoq, şair-publisist Mahmudov Əvəz Cəlal oğlu isə "Azərbaycan Respublikası Prezidentinin fəxri diplomu” ilə təltif ediliblər.