Yəqin bir çoxlarına maraqlıdır ki, qanunsuz ağac kəsənlər, yaşıllığı məhv edənlər dövlətimizin qanununun hansı maddələrini pozur? Xeberle.com bunu nəzərə alaraq Yaşıllıqların mühafizəsi haqqında Azərbaycan Respublikasının Qanununu təqdim edir:

Qanunda bu barədə qeyd edilir:

Yaşıllıqların mühafizəsi haqqında Azərbaycan Respublikasının Qanununda qeyd edilir:
Maddə 7. Yaşıllıqların mühafizəsi tədbirləri
7.1. Yerləşdikləri torpaq sahələrinin mülkiyyət növündən asılı olmayaraq, Azərbaycan Respublikasının ərazisində mövcud olan bütün yaşıllıqlar mülkiyyətçilər, icarəçilər və istifadəçilər tərəfindən yanğından, qanunsuz qırılmadan, yaşıllıq ərazilərindən istifadənin müəyyən edilmiş qaydalarının pozulması hallarından və yaşıllığa zərər vuran digər hərəkətlərdən qorunub mühafizə olunmalıdır.
7.2. Yaşıllıqların zədələnməsinə və məhv edilməsinə gətirib çıxara bilən hər hansı bir fəaliyyətə, yaxud fəaliyyətsizliyə yol verməməklə, vətəndaşlar, ictimai birliklər, vəzifəli şəxslər və hüquqi şəxslər yaşıllıqların mühafizəsi üçün tədbirlər görməlidirlər.
7.15. Şəhərlərdə və digər yaşayış məntəqələrində yaşıllıqların zədələnməsinin, kəsilməsinin və məhv edilməsinin qarşısının alınması məqsədi ilə ağac-kol bitkilərinin yerləşdiyi torpaq sahələrində yaşayış evlərinin, yaşayış və inzibati binaların, iaşə obyektlərinin, sənaye və s. müəssisələrin tikintisi üçün ərazilərin ayrılması və layihələndirilməsi qadağan edilir.
Qeyd edilən qanunun 9-cu maddəsinin 1-ci bəndində isə yaşıllıqların götürülməsinə yalnız həyata keçiriləcək tədbirlərin dəyəri (maddi və mənəvi) götürüləcək yaşıllığın dəyərindən əhəmiyyətli dərəcədə artıq olduqda aşağıdakı hallarda yol verildiyi bildirilir:
9.1.1. dövlət ehtiyacları tələb etdikdə dövlət tərəfindən yaşıllıqlar yalnız qanunla icazə verilmiş hallarda yolların və digər kommunikasiya xətlərinin çəkilməsi, müdafiə əhəmiyyətli obyektlərin tikilməsi məqsədilə;
9.3. Bu Qanunla nəzərdə tutulmuş hallar istisna olmaqla, yaşıllıqların götürülməsi (kökündən çıxarılması və ya kəsilməsi) qadağandır.

Qanun, həmçinin, məhv edilmiş ağacların əvəzinə yeni yaşıllıqların bərpa edilməsi haqda da müvafiq tədbirlər tətbiq edib:

Maddə 11. Yaşıllıqların bərpa edilməsi tədbirləri
11.4. Bütün növ yaşıllıqların zədələnməsi və məhv olması hallarında əvəzli yaşıllaşdırma aparılması (yaşıllıqların bərpa edilməsi) məcburidir.
11.6. Yaşıllıqların zədələnməsi və məhvi hallarında yaşıllaşdırma həmin yerdə eyni növlə bərpa edilir.
11.8. Bərpaedici yaşıllaşdırma yaşıllıqların götürülməsi, zədələnməsi və məhvindən sonrakı ən yaxın mövsümdə və bu Qanunun 9.4-cü maddəsində nəzərdə tutulmuş (9.4. Yaşıllıqların götürülməsi (kökündən çıxarılması və ya kəsilməsi) müvafiq icra hakimiyyəti orqanının rəyi nəzərə alınmaqla, müvafiq icra hakimiyyəti orqanlarının və ya bələdiyyələrin qərarı (sərəncamı) ilə həyata keçirilir. Bu Qanunun 9.1.1-ci maddəsində göstərilən hallarda yaşıllıqların götürülməsi (kökündən çıxarılması və ya kəsilməsi) bunu zəruri edən layihənin hesabına həyata keçirilir) qərar qəbul edildikdən sonra 1 ildən gec olmayaraq həyata keçirilməlidir.