Yeni
Azərbaycan Partiyasının (YAP) 44 saylı Sumqayıt-Xızı seçki dairəsindən
deputatlığa namizədi Müşfiq Məmmədli Mərkəzi Seçki Komissiyasının açıqladığı
nəticələrə əsasən deputat seçilib.
Xeberle.com xəbər verir ki, MSK-nın açıqladığı rəqəmlərə görə 44 saylı Sumqayıt-Xızı seçki
dairəsinin 47 məntəqə seçki
komissiyasının hamısından daxil olan protokollara əsasən Müşfiq Məmmədli 45,8
faiz nəticə ilə Milli Məclisin deputatı seçilib.
Qeyd edək ki, Müşfiq Məmmədli 1972-ci il avqustun 1-də Sumqayıtda
anadan olub. 1989-cu ildə Sumqayıt şəhər 25 saylı tam orta məktəbi bitirib.
1989-cu ildən 1990-cı ilə qədər 1 saylı Kliniki Tibbi Mərkəzdə (Semaşko)
sanitar işləyib. 1990-1996-cı illər ərzində Azərbaycan Tibb Universitetinin
Pediatriya fakültəsində təhsil alıb. 1996-1997-ci illərdə Sumqayıt şəhər Uşaq
Xəstəxanasında internatura keçib, 1997-1999-cu illərdə isə qəbul şöbəsinin həkimi
vəzifəsində çalışıb. 2000-ci ildə 3 il müddətində Türkiyənin İstanbul şəhərində
təhsil alıb. 2004-2006-cı illər ərzində Tərtər bölgəsində N saylı hərbi
hissənin tibb məntəqəsinin həkimi, sonra isə rəisi olub. 2006-cı ildən 2014-cü
ilə qədər Təcili Tibbi yardım stansiyasının, daha sonra isə Sumqayıt Uşaq
xəstəxanasının həkimi işləyib. 2015-2016-cı illərdə Uşaq xəstəxanasının
pediatriya şöbəsinin müdiri, 2016-cı ildən isə xəstəxananın baş həkimidir.
Qeyd edək ki, M.Məmmədli 2013-2015-ci illər ərzində
Rusiyanın Sankt-Peterburq İqtisad Universitetinin Ali İqtisad Məktəbində MBA
proqramı çərçivəsində "Səhiyyə təşkilatlarının menecmenti" ixtisasına
da yiyələnib. 2016-cı ildən isə Rusiya Pediatrlar İttifaqının üzvüdür.
Ailəlidir 3 övladı var.
2006-cı ildən Yeni
Azərbaycan Partiyasının üzvüdür.
Xəbərdən istifadə edərkən istinad etmək vacibdir.
