Bu barədə Xeberle.com-a ərazidə yaşayan sakinlər məlumat verib. Şikayətçilər bu vəziyyətin demək olar ki, hər gün baş verdiyini bildiriblər. Qeyd ediblər ki, küçəni və evləri kanalizasiya suları basıb və ərazi keçilməz vəziyyətə düşüb.Sakinlər dəfələrlə bu problemlə bağlı Sumqayıt Sukanal İdarəsinə müraciət etsələr də, sözügedən problemi birdəfəlik həll etmıək mümkün olmayıb: "Demək olar ki, hər gün bu acınacağlı vəziyyətlə qarşılaşırıq. Belə bir halın yaranmasına səbəb qəsəbənin Kamran Hüseynov küçəsində su borusunda yaranan problemin aradan qaldırılması zamanı bizim küçəyə gələn borunun zədələnməsidir".

Problemlə bağlı Sumqayıt Sukanal İdarəsindən isə yaranan vəziyyətə belə aydınlıq gətiriblər: "Ərazidən keçən kanalizasiya borularında tez-tez tutulmalar baş verir. Həmin küçədə evlərin sıx tikilməsi ora xüsusi texnikaların cəlb edilməsini mümkünsüz edir. Hazırda problem aradan qaldırılıb və bu məsələ diqqətimizdədir. Yaxın zamanda porblemin birdəfəlik həll edilməsi istiqamətində müvafiq tədbirlər həyata keçiriləcək".