Abşeron rayonun Saray qəsəbəsində Yeni məhəllə adlanan ərazidə suvarma, içməli su və kanalizasiya problemi yaşanır.
Bu barədə Xeberle.com-a Saray qəsəbəsi, Yeni məhəllənin bağ massivlərində yaşayan sakinlər məlumat veriblər. Onların dediyinə görə, bağ massivlərində yaşayan vətəndaşlar öz hesabına əraziyə su xətləri çəkdiriblər, lakin bu ilin yanvar ayından suyun verilişində fasilələr yaranıb və təzyiq çox aşağı düşüb. Üstəlik, ərazidə kanalizasiya xətləri də yoxdur.
Xeberle.com məsələyə aydınlıq gətirmək üçün Abşeron rayon Sukanal İdarəsinə müraciət edib. Mövcud problemlə bağlı qurumdan bildirilib ki, həqiqətən də Saray qəsəbəsinin Yeni məhəlləsində kanalizasiya sistemi yoxdur, əhali "şambo”lardan istifadə edir. Lakin əraziyə müəyyən qrafik əsasında su verilir. Karantin müddəti bitdikdən sonra qəsəbədə yeni su nasosxanalarının tikilməsi nəzərdə tutulub. Kanalizasiya problemi də gələcək planlar çərçivəsində öz həllini tapacaq.
Xəbərdən istifadə edərkən istinad etmək vacibdir.
