Epidemiya əleyhinə, sanitariya-gigiyena və karantin rejimləri
dövründə tənəffüs yollarını qoruyan fərdi vasitələrdən istifadə ilə
bağlı müvafiq icra hakimiyyəti orqanı tərəfindən müəyyən edilən
tələblərin pozulmasına, habelə vəzifəli şəxslər tərəfindən həmin
tələblərin pozulmasının qarşısının alınmamasına görə fiziki şəxslər
50 manat məbləğində, vəzifəli şəxslər 100 manat, hüquqi şəxslər 200
manat məbləğində cərimə ediləcək.
Xeberle.com xəbər verir ki, bu, İnzibati Xətalar Məcəlləsinə təklif
edilən dəyişiklikdə əksini tapıb. Layihəyə əsasən, bu xətanın inzibati
tənbeh almış şəxs tərəfindən inzibati tənbeh vermə haqqında qərar
qüvvəyə mindiyi gündən epidemiya əleyhinə, sanitariya-gigiyena və
karantin rejimləri dövrü başa çatanadək təkrar törədilməsinə görə
fiziki şəxslər 100 manat, vəzifəli şəxslər 200 manat, hüquqi şəxslər
400 manat məbləğində cərimələnəcək.
Qanun layihəsi Milli Məclisdə ikinci oxunuşda səsə qoyularaq, qəbul edilib.
Hüquqşünas Hüquqşünas Ramil Sülueymanov deyir ki, bütün bu qaydalara nəzarəti isə Azərbaycan Respublikasının Daxili İşlər üzə orqanları həyata keçirəcək ki, bu zaman da əsas məsuliyyət polis əməkdaşlarının üzərinə düşür. Bütün bu nəzarətlər Azərbaycan Respublikası Nazirlər kobineti yanında yaradılmış Operativ Qərargah tərəfindən müvafiq səlahiyyətləndirmə ilə həyata keçirilir. Polis qoruyucu maskadan istifadə etməyən vətəndaşa yaxınlaşıb onun nə səbəbdə maska istifadə etmədiyini soruşaraq, maskadan istifadə etməyə dəvət edib və hal hazırda maskadan istifadə etmədiyi üçün protokol tədbiq etmək səlahiyyətinə malikdir. Əgər vətəndaş haqsız yerə cərimə olunduğunu düşünürsə, dərhal həmin protokola şikayətini bildirib, özünün haqlı olduğunu sübut edən faktlar göstərməlidir.
Qeyd edək ki, Ölkə üzrə xüsusi karantin rejimi 15 iyun saat 00:00-dək qüvvədədir. Və artıq bu gündən cərimələrin tətbiq olunmasına başlanılıb. Yeni qaydalara əsasən, Azərbaycan ərazisində yeni növ koronavirus (COVID-19) infeksiyasının insanlar arasında kütləvi yayılmasının qarşısının alınması məqsədilə aşağıda qeyd edilən hallarda sosial məsafəni gözləmək (insanlar arası məsafə 1,5-2 metr) şərtilə tənəffüs yollarını qoruyan fərdi vasitələrdən (tibbi maska, parça maska, respirator və sair) istifadə edilməlidir:
Bura şəhərlərarası (rayonlararası) və şəhərdaxili (rayondaxili) sərnişindaşımada istifadə olunan nəqliyyat vasitələri (avtobus, taksi, metro, dəmiryolu və s.), bazarlarda, qapalı ictimai iaşə, ticarət və xidmət obyektləri (həmin obyektlərdə göstərilən xidmət növündən asılı olaraq tənəffüs yollarını qoruyan fərdi vasitələrin çıxarılmasının zəruri olduğu hallar istisna olmaqla), dövlət orqanlarının (qurumlarının) binalarında vətəndaşların qəbulu və vətəndaşlara xidmət üçün nəzərdə tutulan sahələr, fiziki və hüquqi şəxslərə məxsus binaların müştərilərə xidmət göstərilməsi üçün istifadə edilən sahələr, açıq sahəli ofislərdə və istehsalat yerləri, tarix və mədəniyyət abidələri hesab edilən qapalı məkanlar, ibadət yerləri, elm və səhiyyə müəssisələri, sosial, mədəniyyət və digər bu kimi qapalı obyektlər, ictimai nəqliyyat dayanacaqları, bilet kassalarının, bankomatların (ATM) və ödəniş terminallarının, ticarət, iş və xidmət obyektlərinin qarşısında növbələr daxildir.
Eyni zamanda insanların toplaşdığı və yaxın təmasda olduğu açıq havadakı ictimai yerlərdə onlar arasında sosial məsafənin qorunmasının mümkün olmadığı digər hallarda da tibbi maskadan istifadə olunmalıdır.
Xədicə Səxavətqızı
Xəbərdən istifadə edərkən istinad etmək vacibdir.
