Xeberle.com-a verilən məlumata görə, yerli icra nümayəndəliyi, H.Zeynalabdin Bələdiyyəsi və hüquq -mühafizə orqanları (Polis, Daxili Qoşunlar, FHN ) əməkdaşlarının iştirakı  ilə reydlər təşkil edilir.

Reydlər həftənin bütün günləri, sutkada 2 dəfə olmaqla,  ümumilikdə 6 saat intensiv şəkildə həyata keçirilir. Yoxlamalar zamanı hərəkətdə olan nəqliyyat vasitələri, piyada vətəndaşlar saxlanılaraq elektron portal vasitəsilə icazələri yoxlanılır. İctimai nəqliyyat vasitələri də həmçinin saxlanılaraq sərnişinlərin icazələri və tibbi maskadan istifadə edib - etmədiklərinə ciddi nəzarət edilir. Bundan əlavə fəaliyyətinə icazə verilən iaşə obyektlərində yoxlamalar aparılır,  tibbi maskaların istifadəsinə nəzarət olunur, maskadan düzgün istifadə qaydası, digər maarifləndirici bilgilər verilir, gün ərzində bir çox vətəndaşlara tibbi maskalarla təmin edilir. İcazəsi olmayan, habelə qapalı məkanlarda tibbi maskalardan istifadə etməyən, sosial məsafə və digər karantin qaydalarını pozan şəxslər haqqında Daxili İşlər Nazirliyinin əməkdaşları tərəfindən aidiyyatı protokol tərtib olunaraq, cərimə edilirlər.