Bu gündən etibarən ölkə üzrə çimərliklərin istifadəsinə icazə verilir.
Xeberle.com xəbər verir ki, çimərliklərdən istifadə ilə bağlı yeni qaydalar müəyyən edilib.
Belə ki, çimərliklərə getməzdən əvvəl "cimerlik.az” saytına daxil olmaq, çimərliklərdəki sıxlıq səviyyəsini yoxlayaraq, daha az insanın olduğu əraziyə üz tutmaq, çimərliyə yalnız ASAN könüllüləri tərəfindən nəzarət edilən girişdən daxil olmaq, çıxış üçün nəzərdə tutulan yerdən tərk etmək, istifadəsi zəruri sayılan əşyaları çimərliyə özünüzlə gətirmək, çimərlik ərazisində yerləşdirilmiş dezinfeksiya məhlullarından giriş-çıxış zamanı istifadə etmək lazımdır.
Bununla yanaşı, ümumi istifadə olunan soyunub-geyinmə otaqları və sanitar qovşaqlar varsa, sosial məsafə və təmizlik qaydalarına riayət etmək, sahildə yalnız xüsusi iplərlə ayrılmış zonalarda istifadə etmək, çimərlik ərazisində qida və digər əlavələrin istifadəsindən sonra müvafiq ərazini təmizləmək, tullantıları xüsusi ayrılmış qutulara atmaq vacibdir.
Qadağan olunmuş ərazilərdən istifadə etməmək, sağlamlığınızla bağlı narahatlıq hiss etdikdə dərhal nəzarətçiyə məlumat vermək, çimərlik ərazisində sosial məsafə saxlamaq, nəzarətçilərin tələblərinə riayət etmək zəruridir.
Sumqayıtda isə 19 çimərlik müəyyən edilib və bu çimərliklərə ümumilikdə 4030 yer ayrılıb.
Aşağıdakı linkdə çimərliklərin siyahısı ilə tanış ola bilərsiniz:
https://cimerlik.az/providers?name&areaId=13
Xəbərdən istifadə edərkən istinad etmək vacibdir.
