Sumqayıtda ögey ata bıçağı qızdıraraq uşağın əlini yandırıb.
Xeberle.com-un məlumatına görə, hadisə Sumqayıt səhəri, İnşaatçılar qəsəbəsində baş verib.
8 yaşlı Həcər Zeynallı atalığı tərəfindən fiziki zorakılığa məruz qaldığını iddia edib.
Əli yandırılan uşaq qaçaraq qonşulara sığınıb.Bundan sonra qonşular Daxili İşlər Nazirliyinin "102" xidmətinə zəng ediblər.
Qonşuların sözlərinə görə, onlara qarşı da uşağın anası və atalığı tərəfindən zorakılıq edilib.
Uşağın atası isə səslənən iddialarla razılaşmayıb. O, azyaşlı uşağa qarşı zorakılıq etmədiyini bildirib.
Məsələyə aidiyyəti qurumlar tərəfindən də reaksiya verilib. Ögey ata və ana Sumqayıt şəhər Polis İdarəsinə dəvət olunaraq izahatları alınıb.
Hadisə ilə bağlı Ailə, Qadın və Uşaq Problemləri üzrə Dövlət Komitəsi tərəfindən də məlumat yayılıb.
Faktla bağlı Komitə tərəfindən Sumqayıt şəhər İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyaya müraciət olunub. Məsələnin araşdırılması və lazımi tədbirlərin həyata keçirilməsi istiqamətində iş aparılır.
Xəbərdən istifadə edərkən istinad etmək vacibdir.
