Xeberle.com-un məlumatına görə, Sumqayıtda da 5 məktəbin direktor vəzifəsi vakantdır və işə qəbulla bağlı müsabiqəyə sentyabrın 28-dən start veriləcək. Müsabiqədə iştirak etmək istəyən namizədlər oktyabrın 2-si saat 23:59-dək elektron qeydiyyat zamanı müvafiq məlumatları daxil edərək tələb olunan sənədləri yüklədikdən və vakant yerləri seçdikdən sonra ərizələrini təsdiq etməlidirlər.

Belə ki, Sumqayıt şəhər 9 nömrəli tam orta məktəb, Sumqayıt şəhər 16 nömrəli tam orta məktəb, Sumqayıt şəhər 32 nömrəli tam orta məktəb, Sumqayıt şəhər M.Müşfiq adına 34 nömrəli tam orta məktəb və Evdə Fərdi Təhsil məktəbinin direktorları vəzifəsi müsabiqəyə çıxarılıb.

Həmin məktəblərin direktorlarına gəldikdə isə 16 nömrəli tam orta məktəbin direktoru Niyaz Süleymanov və Evdə Fərdi Təhsil məktəbinin direktoru Mehman Adıgözəlov yaş senzinə görə təqaüdə göndərilir. 9, 32 və 34 nömrəli məktəblərdə isə direktor vəzifəsini müvəqqəti icra edilir.

Xədicə Səxavətqızı