İqtisadiyyat Nazirliyi sahibkarlıq subyektlərində (ictimai iaşə və turizm obyektləri istisna olmaqla) pandemiya şəraitinin zəruri qayda və tələblərinə əməl olunmasına nəzarət məqsədilə monitorinqləri davam etdirir.
Xeberle.com xəbər verir ki, aparılan monitorinqlər zamanı epidemiya əleyhinə rejimin, sanitariya-gigiyena tələblərinin pozulduğu aşkar olunub. Sumqayıtda da belə sahibkarlıq subyektlərinə rast gəlinib. Belə ki, Sumqayıt şəhərində fəaliyyət göstərən "Bara geyim mağazası”nda, Valid Məmmədova məxsus pərakəndə ticarət obyektində, "Ağababa market”də, Zahid Qasımova məxsus "Uşaq geyimləri mağazası”nda, Bahadur Qəhrəmanova məxsus ehtiyat hissələri mağazası”nda, "Qayalı market”də, "Diana market”də, Rəhman Əsgərova məxsus geyim mağazasında pozuntular aşkarlanıb.
Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq müvafiq tədbirlər görülüb.
Xəbərdən istifadə edərkən istinad etmək vacibdir.
