Sumqayıt şəhər İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı ilə Heydər Əliyev Mərkəzində 31 Dekabr – Dünya Azərbaycanlılarının Həmrəylik Gününə həsr edilmiş "Mən fəxr edirəm ki, azərbaycanlıyam!” mövzusunda dəyirmi masa keçirilib.
Sumqayıt şəhər İcra Hakimiyyəti başçısının müavini Elgin Həbibullayev tədbrin keçirilməsinin əhəmiyyətindən danışıb, dünyanın müxtəlif ölkələrində yaşayan soydaşlarımızın təşkilatlanmasının, Azərbaycan diasporunun yaranmasının ümummilli lider Heydər Əliyevin adı ilə bağlı olduğunu vurğulayıb.
Gənclər və İdman Baş İdarəsinin rəisi Elşən Baxşəliyevin, Yeni Azərbaycan Partiyası (YAP) şəhər təşkilatının sədr müavini Elmar Xəlilovun, İsmət Qayıbov adına 1 №-li tam orta məktəbin X sinif şagirdi Aytən Hacıyevanın, YAP Sumqayıt Dövlət Universiteti (SDU) ərazi ilk təşkilatı Gənclər Birliyinin sədri Səma Əsədovanın, SDU "Ritorika Universal Klubu”nun sədri Arzu Nəbizadənin, SDU Kimya və Biologiya fakültəsinin tələbəsi Nəzrin Novruzovanın, YAP şəhər təşkilatı İdarə Heyətinin üzvü Ceyhun Məmmədovun və Heydər Əliyev Mərkəzinin direktoru Aygün Zülfüqarlının çıxışlarında diaspora quruculuğu sahəsində dövlətin yeritdiyi uzaqgörən siyasətdən, erməni təcavüzü zamanı xalqımızın başına gətirilmiş faciələrin beynəlxalq aləmə çatdırılmasında dünya azərbaycanlılarının rolunu nəzərə çatdırıblar.

Xeberle.com