Əminliklə, günümüzün qəhrəmanlarına çevrilən həkimlər koronavirus xəstələri, bu virusa yoluxduğunu düşünənlər üçün ümid yerinə çevrilib. Pasientlərlə təhlükəli təmasdan çəkinməyən həkimlər bəzi hallarda xəstəliyin qurbanına da çevrilirlər.

Bunu anlamaq üçün təkcə günümüzün qəhrəmanlarının 12 saat fasiləsiz skafandır geyimində çalışdığını düşünmək kifayət edər.

Naibə Nəsibova koronavirusun yayılığı ilk günləri belə xatırlayır: "Sumqayıt Pandemiya xəstəxanasında öncə çalışan bir çox həkimlər virusa yoluxmuşdu, ciddi kadr çatışmazlığı var idi. Amma həmişə ambulator müalicə ilə məşğul olduğumdan stasionarda, yəni intensiv terapiya və palatada xəstələrin nələr çəkdiyinin şahidi olmamışdım. Bura sözün həqiqi mənasında sanki cəbhə nöqtəsidir, müharibədir. Heç bir xəstəxanada bu vaxta kimi, əminəm, belə mənzərə yaşanmayıb”.

Bildirir ki, işə başlayanda bütün hislərini gizlədir və palataya keçəndə xəstələrini əzizləyib deyir: "Bu gün maşallah, rənginiz açılıb, nəfəsiniz xırıldamır, deyəsən saturasiyanız qalxıb”.

N. Nəsibovanın sözlərinə görə, pandemiya xəstəxanasında işləmək özü həm bir məsuliyyət, həm də şərəfdir: "Fikirləşəndə ki, xəstə insanlara lazımsan və sənin yerin onların yanındadır, onlara daha çox yardım edə bilərsən, onda qürur hissi keçirirsən.

Ancaq kədərli hallar da olur:

Deyir ki, şəhid Milli Qəhrəman Şükür Həmidovun valideynlərini də o müalicə edib: "Yaşlı insanlar olsalar da xəstəliyə sinə gərdilər və sağalaraq evlərinə döndülər”.

Vurğulayır ki, koronavirus pula, imkana baxmır. Odur ki, vaxtında sağlamlığımızın qeydinə qalmalıyıq. Hər kəsi təmizliyə riayət etməyə, immunutetini yüksəltməyə çağırır. Özünüzü və sağlamlığınıızı qoruyun. Karantin rejiminə riayət edin, sağlam bədəndə sağlam ruh olar.

Qeyd edək ki, N. Nəsibova "Doktor Az" klinikası ilə də əməkdaşlıq edir. 

Turqut Rzalı

Xeberle.com