Xeberle.com saytının malik olduğu sosial şəbəkələrdə keçirdiyi "Hansı vaksinə etibar edirsiniz?” adlı sorğusu yekunlaşıb.
Nəticələrdən belə məlum olur ki, sorğuda iştirak edən sumqayıtlı oxucuların böyük əksəriyyəti "Sinovac” və "Pfizer” vaksinlərinə üstünlük verirlər.
Belə ki, rəy bildirənlərin 162 nəfəri Çin istehsalı olan "Sinovac” vaksininə etibar edir.
73 nəfər oxucu isə ABŞ-ın "Pfizer” şirkəti ilə Almaniyanın "BioNTech” şirkətinin birgə istehsalı olan "Pfizer” vaksininə səs verib.
Rəy bildirən oxucuları 8 nəfəri Rusiyada buraxılan "Sputnik V” vaksinə etibar edib.
1 nəfər isə Britaniyanın kəşf etdiyi və İsveçrədə istehsal olunan "AstraZeneca” vaksinini bəyənir.
Respondentlərin 137 nəfəri isə "Heç birinə etibar etmirəm" deyə qeyd edib.
Xatırladaq ki, Azərbaycanda koronavirusa qarşı vaksinasiya 2021-ci il yanvarın 18-dən başlanıb. Ölkəmizdə yuxarıda adları çəkilən 4 vaksindən istifadə olunur.
Xəbərdən istifadə edərkən istinad etmək vacibdir.
