Sumqayıtda Sülh prospekti ilə Bakı küçəsinin kəsişməsində yerləşən parkda təmir işlərinə başlanılıb.
Xeberle.com xəbər verir ki, ümumi ərazisi 10 min kvadratmetrə yaxın olan parkda söküntü işləri həyata keçirilir. Burada müasir oturacaqlar quraşdırılacaq, işıq dirəkləri yenilənəcək. Yerə yüksək keyfiyyətli tamet vurulacaq. Yaşıllıqlar artırılacaq, fəvvarə quraşdırılacaq. Sakinlərin rahat istirahətini təşkil etmək üçün hər bir şəraitin yaradılması nəzərdə tutulub.
Parkın yaxın müddətdə yenidən istifadəyə verilməsi üçün işlər sürətlə aparılır.
Xəbərdən istifadə edərkən istinad etmək vacibdir.
