Bu foto 1993-cü ildə Sumqayıt şəhər Şəhidlər Xiyabanında çəkilib. Fotoda Azərbaycan Prezidenti Heydər Əliyev, Sumqayıt şəhər İcra Hakimiyyətinin başçısı Şakir Abuşov və şəhid atası Pəhləvan Hacıyev yer alıb.
P. Hacıyevin oğlu Elşən Hacıyev 1993-cü ildə Füzuli istiqamətində gedən döyüşlərdə 29 yaşında şəhid olub. Heydər Əliyev şəhid atası ilə dialoqunda deyir: "Sizə nə köməklik edə bilərəm?
Şəhid atası Pəhləvan Hacıyev Prezidentə belə cavab verir: " Oğul düşmən sipəridir. Biz oğullarımızı Vətən uğrunda qurban vermək üçün yetişdirmişik. O, Vətəni uğrunda şəhid olub."
Elşən Hacıyev ölümündən sonra "Azərbaycan bayrağı" ordeni ilə təltif olunub.
Şəhidlər ölmür
Bəlkə də insanla torpaq arasındakı doğmalıq insanın son nəfəsdən sonra torpağa qayıdışındadır... Bəziləri ömür yolunu sadə başa vuraraq torpağa qovuşurlarsa, bəziləri şəhidlik zirvəsinə yüksələrək qovuşurlar.
Yalnız müqəddəs amal uğrunda vuruşan, Vətən və xalq yolunda canını fəda etməkdən çəkinməyən, cəsarətli, hünərli, qorxmaz insanlar çatırlar bu yüksəkliyə.
Allah bütün şəhidlərimizə rəhmət eləsin!
Xəbərdən istifadə edərkən istinad etmək vacibdir.
