Bildiyiniz kimi, yeni tədris ili üçün ibtidai sinif müəllimlərinin sertfikasiya imtahanı artıq yekunlaşıb və nəticələri elan olunub. Sumqayıt müəllimləri həmişəki kimi, yüksək nəticələri ilə seçilməyi bacarıblar.

60 bal toplayan müəllimlərin bir neçəsi öz təəssüratlarını Xeberle.com-la bölüşüb. Sumqayıt şəhər Yusif Məmmədəliyev adına 31 nömrəli tam orta məktəbin ibtidai sinif müəllimi Turanə Niftəliyeva 60 bal toplayan müəllimlər sırasında yer alıb.

T.Niftəliyeva 10 ildir ibtidai sinif müəllimi kimi fəaliyyət göstərir: "Pedaqoji fəaliyyətimi 8 il Bakı şəhərində, son 2 ildə isə Sumqayıt şəhərində davam etdirirəm. Düşünürəm ki, sertifikasiya imtahanının keçirilməsi zmüəllimlər üçün vacibdir. Çünki biz müəllimlər hər zaman yeniliklərə açıq olmalı və öz üzərimizdə daim işləməliyik. Hər kəs kimi məsuliyyətdən irəli gələn bir həyəcan məndə də var idi. Məqsədim ən yüksək nəticə olan 60 balı toplamaq idi. Sualları gördükdən sonra əmin oldum ki, 60 balı toplamaq mümkünsüz deyil. Suallar öncədən bildirildiyi kimi,ibtidai təhsil səviyyəsində, çərçivə sənədinə uyğun idi. Hətta imtahan üçün bizə ayrılmış vaxtın yarısını istifadə etməklə uğur əldə etdim. Uğur qazanan hər bir həmkarımı təbrik edirəm. Kifayət qədər Sumqayıt müəllimlərinin yüksək nəticə əldə etməsi şəhərimizin təhsilinin gücünü bir daha sübut edir", - deyə T.Niftəliyeva bildirib.

Maksimum nəticə göstərən Günay Əhmədova isə Nizami Gəncəvi adına Texniki və Təbiət Elmləri Liseyində çalışır. G. Əhmədova 17 ildir ki, ibtidai sinif müəllimi kimi fəaliyyət göstərir. Deyir ki, imtahana hazırlaşarkən hədəfi 60 bal toplamaq olub. O, daha çox ixtisas fənləri deyil, kurrikulum üzərində çalışdığını və sertiikasiyani uğurla keçdiyini bildirib.

Sumqayıt şəhəri üzrə müəllimlərin sertfikasiyası imtahanından 60 bal yığan müəllimlərdən biri də Şəfəq Məmmədovadır. 4 saylı tam orta məktəbin ibtidai sinif müəllimi olan Ş. Məmmədova qeyd edir ki, özü də orta təhsilini 4 saylı məktəbdə alıb və 1996-cı ildən də elə həmin məktəbin ibtidai sinif müəllimikimi fəaliyyət göstərir: "27 illik iş təcrübəm var və imtahana hazırlaşarkən hədəfim60 bal yığmaq olubvə istəyimə də nail oldum. Müəllim hər zaman öz üzərində çalışmalı, biliklərini artırmalıdır”.

Xədicə Səxavətqızı

Xeberle.com