Əziz oxucular, Xeberle.com olaraq hər zaman təhsilə xüsusi diqqət ayırmaqla abituriyentlərə, tələbələrə, gənc istedadlara dəstək olmağa çalışmışıq.
Budəfəki - "Xaricdə təhsil” rubrikası müxtəlif ölkələrdə ali təhsil alan soydaşlarımızla bağlıdır. Rubrikamızda dünyanın fərqli nöqtələrində tələbə adını daşıyan azərbaycanlılarla bağlı kiçik müsahibələr hazırlayacağıq. Beləliklə, ilk həmsöhbətimiz qardaş Türkiyə Respublikasının Gümüşhanə universitetində təhsil alan Təvəkkül Rufullayevdir. Onunla xaricdə təhsil almağın üstünlükləri, həmin ölkələrin tədris sistemi, yaşam tərzi, həmçinin bir sıra maraqlı mövzular barədə söhbətləşdik.
- Nə üçün məhz xaricdə təhsil almağa qərar verdiniz?
- Azərbaycanda 4 il bakalavr, 2 il magistratura təhsili aldıqdan sonra xaricdə doktorantura pilləsi üzrə təhsilimi davam etdirməyə qərar verdim. Həm dilimizin, həm də adət ənənələrimizin bir-birinə çox bənzədiyi üçün təhsilimi Türkiyədə davam etdirmək istədim. Təhsilimi xaricdə davam etdirməyimə isə bir neçə səbəblər var idi; dünyagörüşümü artırmaq istəyi, Türk xalqını sevdiyim üçün adət ənənələri, milli mənəvi dəyərləri ilə daha yaxından tanış olmaq arzusu və ən əsası Türkiyədəki qabaqcıl təhsil sistemi üzrə təhsilimi davam etdirmək.
- Hazırlıq və universitetə təsdiq olunma prosesləri haqqında qısa məlumat verərdiniz.
- Bu proses bir çoxuna qəliz görsənir, amma əslində çox sadə və asan prosesdir. Təbii ki, bunu bizim üçün rahat edən də məhz güvənib üz tutduğumuz xaricdə təhsil şirkəti olur. Mən öz seçimimi "Yüksəl" Xaricdə Təhsil şirkətində etdim. Şirkətdə çalışan əməkdaşların mənə verdiyi tövsiyələr nəticəsində Gümüşhanə vilayətinin ayniadlı universitetini seçdim. Məndən lazım olan sənədləri gətirməyimi tələb etdilər. Toplamda heç 2 gün vaxtımı almadı istədikləri sənədləri toparlamaq. Sənədləri gətirdikdən sonra müqaviləni imzaladım, ödənişin yarısını ödədim və 3 gün sonra qəbul məktubumu artıq əlimə almışdım. Qəbul məktubumu aldıqdan sonra da ödənişin digər yarı hissəsini ödədim.
- Bu universitetdə təhsil almağın üstünlükləri və çətinlikləri nədir?
- Gümüşhanə universitetində təhsil almaq düşündüyümdən daha rahatdır. Burada müəllimlər öyrəncilərə tələbədən çox dost kimi yanaşırlar. Bir sözlə, istər texniki işçi, istərsə də professor olsun, hər biri tələbəyə və qarşılaşdığın bütün çətinliklərdə bacardıqları qədər dəstək olmağa çalışırlar. Bu universitetin üstünlüklərindən ən əsası dövlət universiteti olması və buna görə də verdiyi diplomun dünyanın 183 ölkəsində tanınmasıdır. Təbii ki, bizim ölkəmizdə də rahatlıqla tanınır.
- Müxtəlif ölkələrdən olan dostluqlar, fərqli ölkənin adət ənənələri kimi məsələlər uyğunlaşmağa çətinlik yaratdımı?
- Müxtəlif ölkələrin nümayəndələri ilə tanış olmaq, dostluq etmək çox gözəl bir şeydir. Öncə dünyagörüşünü artırırsan, daha sonra isə sıx ünsiyyət əsnasında dil biliklərini inkişaf etdirmiş olursan. Məsələn, mən Türkiyənin mərkəzi şəhərlərindən sayılmayan Gümüşhanədə olmağıma baxmayaraq burada mənim kimi xarici ölkələrdən gələn tələbələr çoxdur. Artıq Afrika ölkələrindən, Rusiyadan, Gürcüstandan, Ukraynadan və başqa ölkələrdən gələn tələbələrlə tanış olmuşam. Uyğunlaşmaq isə heç də çətin olmur, əksinə çox maraqlı günlər keçirirəm burada.
- Hazırda dostlarınıza xaricdə, yoxsa ölkəmizdə təhsil almağı tövsiyə edərdiniz?
- Dostlarıma bura gəldikdən sonra artıq öz tövsiyələrimi vermişəm. Təbii ki, onlara xaricdə təhsil almağın gözəl bir şey olduğunu demişəm və onların da yanımda olmağını istərdim.
- İş və karyera qurmağı ölkəmizdə, yoxsa xaricdə düşünürsüz?
- Təbii ki, mən vətənimi çox sevirəm. Təhsilimi başa vurduqdan sonra vətənimə geri dönəcəm və Vətənim üçün xidmət göstərəcəm.
Söhbətləşdi: Xədicə Səxavət
Xeberle.com
Xəbərdən istifadə edərkən istinad etmək vacibdir.
