Bakının Nərimanov rayonunda mənzildən meyiti tapılanlardan birinin şəxsiyyəti müəyyənləşib.
Xeberle.com xəbər verir ki, kirayə qaldıqları mənzildə dəm qazından boğularaq ölənlərdən biri Sumqayıt şəhər sakini 2004-cü il təvəllüdlü Allahverdiyev Kamran Xaliq oğludur.
Qeyd edək ki, 19 yaşlı K. Allahverdiyev dekabrın 31-də dostu ilə birgə evdən çıxıb və geri qayıtmayıb.
Kamran Allahverdiyev məktəbə bir neçə il gec getdiyi üçün hazırda orta məktəbdə oxuyurdu.
Xatırladaq ki, K. Allahverdiyev paytaxtda yerləşən şadlıq evlərindən birində ofisiant işləyib.
Atası Rusiyada işləyir. Hadisədən xəbəri yoxdur.
Yaxınlarının verdiyi məlumata görə, onlar əvvəl Bakıda yaşayıb,sonra ailə Ukraynaya köçüb.Buna görə 2 il şagird təhsildən yayınıb.Təkrar 7-ci sinfə,yəni, qaldığı sinifdən davam etməklə Sumqayıtda 31 nömrəli tam orta məktəbdə təhsilinə davam edib.(apa.az)
Xəbərdən istifadə edərkən istinad etmək vacibdir.
