Sumqayıtda həkimə cinayət işi açılıb.
Xeberle.com lent.az-a istinadən xəbər verir ki, 2 saylı şəhər xəstəxanasının terapiya şöbəsinin həkim-revmatoloqu 70 yaşlı İmanova Firuzə Ağadadaş qızı Cinayət Məcəlləsinin 308.1-ci (Vəzifə səlahiyyətlərindən sui-istifadə) və 313-cü (Vəzifə saxtakarlığı) maddəsilə təqsirli bilinir.
İttiham aktına əsasən, F. İmanova 2021-ci ilin iyul ayının 1-dən, avqustun 13-dək həmin şöbənin müdiri Şəkərəli Həsənov məzuniyyətdə olarkən onu əvəz edib. Bu zaman isə müraciət edən 3 nəfərə əlillik alması üçün xəstəlik dərəcəsini sənədlərə qəsdən ağır qeyd edib.
Məhkəmənin qərarı ilə onun barəsində başqa yerə getməmək haqqında iltizam tədbiri seçilib.
Cinayət işinin məhkəmə istintaqı davam edir.
Xəbərdən istifadə edərkən istinad etmək vacibdir.
