Bakıda 70 yaşlı coğrafiya müəlliməsi intihar edib.
Hadisə az öncə Suraxanı rayonu, Hövsan qəsəbəsində baş verib.
Bizim.media-ya bu barədə qəsəbə sakinləri məlumat veriblər. Hadisə şahidlərinin sözlərinə görə, özünü yaşadığı binanın 9-cu mərtəbəsindən yerə atan Zümrüd Səməd qızı Rəhimova uzun illər M.Mehdiyev adına 280 nömrəli məktəbdə coğrafiya fənnini tədris edib.
Özünü 9-cu mərtəbədən atan qadın 7-ci mərtəbədəki çıxıntıya ilişib, yarım saatdan çox orada qalsa da, sonradan yıxılaraq həyatını itirib.
Hadisə şahidləri tərəfindən olayın anbaan görüntüləri çəkilib.
Mərhumun qonşularının dediyinə görə, Zümrüd Rəhimovanın qızı narkotik istifadəçisidir. Hadisə zamanı onun da evdə olduğu bildirilir.
Faktla bağlı araşdırma başlayıb.
Qeyd edək ki, Z.Rəhimova 4 il əvvəl təqaüdə çıxıb.
Xəbərdən istifadə edərkən istinad etmək vacibdir.
