Yay fəslinin astanasında olduğumuz bir vaxtda Sumqayıtın bəzi prospekt və küçələri ağ örpəyə bürünüb.
Kadrlara baxanlar elə təsəvvür edə bilərlər ki, qar yağır. Bu ağ örpəyi yaradan isə Cənubi Qafqaz qovağı kimi tanınan turanqa ağaclarıdır.
Yaz aylarında bu ağacların tozcuqları astma və allergik xəstəlikləri olanlara mənfi təsir edir.
Məsələ ilə bağlı Sumqayıt Şəhər İcra Hakimiyyətindən bildirilib ki, 2019-cu ildə sakinlərin şikayəti ilə bağlı Ekologiya və Təbii Sərvətlər Nazirliyinə müraciət edilib.
Ümumi rəyə əsasən, müxtəlif ərazilərdə allergiyaya səbəb olan ağacların bir hissəsi çıxarılaraq şəhərdən kənara aparılıb. Onların yerinə başqa ağaclar əkilib. Şəhər ərazisində az sayda bu cür ağaclar qalıb. Aidiyyəti qurumlarla birgə məsələ müzakirə olunacaq və müvafiq tədbirlər görüləcək.
Daha ətraflı Baku TV-nin süjetində:
Xəbərdən istifadə edərkən istinad etmək vacibdir.
