Ukraynada gedən müharibədə əslən Zərdab rayonunun Məmmədqasımlı kəndindən olan 1992-ci il təvəllüdlü Orxan Mahir oğlu Əzizli və 1995-ci il təvəllüdlü Ramiz Abuzər oğlu Qədirli həlak olublar.
Xeberle.com məlumat verir ki, bu barədə sosial şəbəkələrdə məlumat yayılıb.
Məlumata görə, rusiyalı hərbçilər Xerson vilayətində Orxan Əzizli və Ramiz Qədirliyə məxsus meyvə dolu yük maşınının üstündən tankla keçiblər. Nəticədə hər iki şəxs həlak olub.
Zərdab rayon icra başçısının birinci müavini Ramo Hacıyev açıqlamasında həlak olan həmyerlilərimizin Məmmədqasımlı kəndində dəfn olunacağını bildirib.
"Nəşləri hələ ki Azərbaycana gətirilməyib və nə vaxt gətiriləcəyi dəqiq bilinmir. Müəyyən sənədləşmə məsələləri var, onlar həll olunduqdan sonra ölkəyə gətirilərək Məmmədqasımlı kəndində dəfn olunacaqlar. Onlar Ukraynadaya yaşayıb işləyirdilər. Ailələri Məmmədqasımlıda yaşayır”, - deyə icra nümayəndəsi qeyd edib.
Xəbərdən istifadə edərkən istinad etmək vacibdir.
