Sumqayıtda yeddi yaşlı uşağı öldürməkdə təqsirləndirilən idmançı Mehman Xəlilovun məhkəməsi başlayıb.
Xeberle.com məlumat verir ki, Mehman Xəlilovun məhkəməsinə bu gün Sumqayıt Ağır Cinayətlər Məhkəməsində baxış təyin edilib. Növbəti iclas 7 sentyabr saat 16:00-a təyin edilib.
Qeyd edək ki, Mehman Xəlilov Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsilə təqsirli bilinir.
Həmçinin onun işi ağırlaşdırılaraq, 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddəsi də əlavə olunub.
Artıq cinayət işinin ibtidai istintaqı başa çatıb və baxılması üçün Sumqayıt Ağır Cinayətlər Məhkəməsinə göndərilib.(lent.az)
Xəbərdən istifadə edərkən istinad etmək vacibdir.
