Salyanda yol-nəqliyyat hadisəsində 4 nəfər xəsarət alıb.
Xeberle.com "Report”a istinadən məlumatına görə, hadisə köhnə Ələt-Astara magistral yolunun şəhər ərazisindən keçən hissəsində - Akkuşa çayının yaxınlığında qeydə alınıb.
Belə ki, hərəkətdə olan "Mercedes” markalı avtomobil digər minik avtomobili ilə toqquşub.
Qəza nəticəsində Sumqayıt şəhər sakini 2001-ci il təvəllüdlü Aslanzadə Kənan Namiq oğlu, Salyan rayon sakinləri - 2002-ci il təvəllüdlü Sadıqov Aydın Əmrah oğlu, 1990-cı il təvəllüdlü Qayıbov İsmayıl Rasim oğlu və 1981-ci il təvəllüdlü Novruzov Alim Ağabala oğlu müxtəlif dərəcəli yaralanıblar.
Xəsarət alanlar Salyan Mərkəzi Rayon Xəstəxanasına çatdırılıblar.
Faktla bağlı araşdırma aparılır.
Xəbərdən istifadə edərkən istinad etmək vacibdir.
