Paytaxtın Nəsimi rayonunda, Səməd Vurğun küçəsində, Bakı Dövlət Sirki ilə üzbəüz ərazidə yaşlı qadın zorla diləndirilib.
Bu barədə məlumat Xeberle.com-a daxil olub.
İddia edilir ki, yaşlı qadın özünü onun qızı kimi təqdim edən şəxs tərəfindən ərazidəki Bolmart supermarketin yaxınlığında dilənməyə məcbur edilib. Hadisəyə yaxınlıqdakı vətəndaşlar müdaxilə edib. Daha sonra məlum olub ki, qadının ayaqları əlil arabasına skoçla bağlanıb. Qızı bildirib ki, anasının ayaqlarında yara olduğundan o, bu addımı atıb. Çünki yaşlı qadın ayaqlarını tərpərdikcə yara daha da pisləşirmiş.
Ətrafdakıların ciddi narazılığından sonra qadın və qızı Nəsimi RPİ-nin 21-ci Polis Bölməsinə aparılıblar.
Xəbərdən istifadə edərkən istinad etmək vacibdir.
