Bakı-Quba yolunda Sumqayıt sakininin iştirakı ilə yol-nəqliyyat hadisəsi baş verib.
Xeberle.com APA-ya istinadən xəbər verir ki, hadisə Şabran rayonunun Günəşli kəndi ərazisində qeydə alınıb.
Sumqayıt sakini Filman Mahmudovun idarə etdiyi "Mersedes” markalı yük avtomobili Şabran rayon sakini Elvin Orucovun idarə etdiyi "Kia” markalı minik maşını ilə toqquşub. Qəza nəticəsində "Kia” yoldan çıxaraq aşıb.
Hadisə zamanı minik avtomobilində olan şəxslər – sürücünün həyat yoldaşı, 39 yaşlı Rübabə Orucova və qızı, 13 yaşlı Gülay Orucova xəsarət alıblar. Onlar xəstəxanaya çatdırılıblar.
Faktla bağlı araşdırma aparılır.
Xəbərdən istifadə edərkən istinad etmək vacibdir.
