Sumqayıt şəhərində Şəhidlər Xiyabanına yaxın yerləşən ərazidə növbət ağac "qətliamı” gözlənilir. Xeberle.com-a təqdim olunan kadrlardan da görünür ki, ərazi ağ rənglə boyanaraq kvadrata alınıb. Bu da tezliklə sözügedən ərazidə tikintinin başlayacağına əsas verir. Növbəti binanın tikilməsi isə onlarla ağacın məhvi deməkdir. Həmin ərazidə yaşayan sakinlər isə ağacların kəsilməsi ilə razılaşmaq istəmirlər. Onların fikrincə, ağacları belə kütləvi şəkildə məhv etmək yolverilməzdir.
Yaşı 30-dan artıq olan hər bir Sumqayıt sakini yaxşı xatırlayır ki, ərazi - Nəsimi adına Mədəniyyət və İstirahət Parkı daha öncə yaşıllıqlarla dolu idi, insanlar təmiz hava almaq üçün şəhərin bu hissəsinə üz tuturdular.
Hazırda isə köhnə mənzərədən əsər-əlamət qalmayıb. Geniş ərazidəki ağaclar qopardılıb və hündürmərtəbəli binaların bünövrəsi qoyulub. Bu isə sakinlərin haqlı narazılıqlarına səbəb olub.
Qeyd: Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
