Sumqayıtda oğurluğa cəhd edən şəxs cinayət başında yaxalanıb. Sumqayıt şəhəri, 30-cu məhəllə, Sülh küçəsi 2 ünvanında yerləşən "Göyərçin” marketin pəncərəsini xüsusi düzəldilmiş alətlə açmaq istəyən Qubadlı rayon sakini, Sumqayıtdakı  2 saylı internat məktəbində məskunlaşan 1986-cü il təvəllüdlü Məmmədov İmdad Fikrət oğlu saxlanılıb. Sumqayıt Şəhər Mühafizə İdarəsinin əməkdaşları tərəfindən yaxalanan şəxs sonrakı araşdırmalar aparılması üçün Sumqayıt ŞPİ-nin 4-cü Polis Bölməsinə təhvil verilib.

Faktla bağlı Sumqayıt ŞPİ-nin 4-cü PB-də araşdırma aparılır. (lent.az)