Sumqayıtlı tır sürücüsünün Rusiya Federasiyasında canavarların hücumuna məruz qaldığı iddia olunur.
Rusiyada çalışan bir neçə tır sürücüsünün Xeberle.com-a bildirdiyinə görə faciəvi hadisə 10 gün öncə Rusiyanın Kalmıkiya Respublikasının paytaxtı Elista şəhərinin 40 kilometrliyində - çöllük ərazidə baş verib. Təbii ehtiyacını ödəmək üçün yük avtomobilindən düşən sürücünü qəfil canavarlar dövrəyə alıb və parçalayıb. 10-dək canavarla üzbəüz qalan şəxsin canını qurtarmaq imkanı olmayıb.
"O şəxs işə yeni başlamışdı, ilk reysi idi. Maşını yolda saxlayıb, ayaqyoluna gedib. Üstündən 30 saniyə keçməyib ki, qışqırıq səsləri gəlib. Hava o gün çox dumanlı olub. Qaça-qaça maşına tərəf gəlib, yerə yıxılıb. Digər maşında olan iş yoldaşı elə bilib ki, hürən çoban itləridir. Canavarlar onu gəmirə-gəmirə maşından uzağa aparıblar. Köməkçi sürücü isə qorxudan maşından aşağı düşməyib. Aidiyyəti orqanlara zəng edib, üstündən 1 saat keçməsinə baxmayaraq gəlib canavarların hamısını öldürüblər”, - deyə sürücülər bildirib.
Qeyd edək ki, hələlik ölən şəxsin adı məlum olmasa da, onun Sumqayıt sakini olması qeyd edilib.
Xəbərdən istifadə edərkən istinad etmək vacibdir.
