Jurnalist Bəhmən Ağahüseyn oğlu Abuşov 74 yaşında dünyasını dəyişib.
Xeberle.com məlumat verir ki, bunu Sumqayıt Junslistlət Birliyinin sədri Rafiq Oday sosial şəbəkə hesabında yazıb.
Bəhmən Abuşov 1950-ci il fevral ayının 10-da Masallı rayonunun Böyük Xocavar kəndində anadan olub. O orta təhsilini Sumqayıtda alıb və uzun illər Sumqayıtda yaşayıb. 1971-1977-ci illərdə ADU-nun jurnalistika fakültəsində təhsil alıb.
1974-cü ildən mətbuat sahəsində çalışırdı. 1980-ci ildən 1994-cü ilin ortalarına kimi «Sintez» qəzetinin redaktoru olub. 1986-cı ildə respublikanın çoxtirajlı qəzetləri arasında «Sintez» qəzeti diploma layiq görülüb.
Sonra uzun müddət «Üzvi Sintez» zavodunun radio verilişləri redaksiyasının redaktoru olub. "Azərbaycan kimyaçısı” qəzetinin «Üzvi Sintez» zavodu üzrə xüsusi müxbiri kimi fəaliyyət göstərib. Redaktor fəaliyyəti dövründə əsl jurnalistika məktəbi yarada bilib. Yetirmələri hazırda respublika və şəhər mətbuatında, teleradio şirkətlərində çalışırlar. 1977-ci ildən Jurnalistlər Birliyinin üzvü idi.
Azərbaycan Jurnalistlər Birliyi Sumqayıt şəhər təşkilatının bütün üzvləri adından kədərləndiyimizi bildirir, mərhumun yaxınlarına, doğmalarına dərin hüznlə başsağlığı veririk.
Allah rəhmət eləsin. Ruhu şad, məkanı cənnət olsun!
Xəbərdən istifadə edərkən istinad etmək vacibdir.
