Paytaxtın Gülarə Qədirbəyova küçəsi ilə Təbriz küçəsinin kəsişməsində qayda pozan sürücü kameraya düşüb.
Hadisə bir neçə gün əvvəl səhər saatlarında qeydə alınıb. Hərəkətdə olan 10-KM-579 dövlət nömrə nişanlı "Jeep” markalı avtomobilin sürücüsü bir neçə qayda pozaraq təhlükə yaradıb. Belə ki, o, öncə qoşa xəttin tələbini pozaraq axına qarşı hərəkət edir. Zolağa keçid edən sürücü bir müddət sonra sağa manevr edir və bu zaman "Toyota Prius” markalı avtomobili sıxışdırır. Lakin "Prius” sürücüsü ona yol vermir. Qayda pozan sürücü isə iki zolağın arasıyla hərəkətinə davam edir. (Avtosfer.az)
Xəbərdən istifadə edərkən istinad etmək vacibdir.
