Hindistandakı bir qəbilənin qadınları görənləri çaşbaş qoyur. Hindistanın Ziro Vadisində kiçik bir kənddə yaşayan Apatani qəbiləsi qadınlarının ən böyük xüsusiyyəti burunlarının dörd dəlikli olmasıdır.
Bu qəbilədə qız uşaqları doğulduqdan sonra burunlarına dəlik açdırırlar. Burnun hər iki tərəfinə yuxarıya doğru açılan dəliklərə bir tıxac keçirirlər. Göz qabağındadır ki, açılan dəliklərin qadınları gözəl etmir. Tarixçilərin tədqiqatına görə Apatani qadınları qonşu qəbilə kişilərinə çirkin görünmək üçün əsrlərlə belə "bəzəniblər".
Qədim zamanlarda qəbilələr arasında qadın qaçırma adəti vardı. Apatani qəbiləsinin nümayəndələri də öz qadınlarını digər qəbilələrin qadınlarıyla qarışdırmamaq üçün burunlarına dəlik açdırıblar. Beləliklə qaçırılan qadının öz qəbiləsinin üzvümü yoxsa digər qəbilələrdən olduğunu təyin edirdilər.
Həmin qadınların fotolarını sizlərə təqdim edirik:
(modern.az)
Xəbərdən istifadə edərkən istinad etmək vacibdir.
