Salyanda ağır yol-nəqliyyat hadisəsi baş verib.
Fövqəladə Hallar Nazirliyinin saytının verdiyi məlumata görə, Fövqəladə Hallar Nazirliyinin "112” qaynar telefon xəttinə daxil olmuş məlumata əsasən, Ələt-Astara yolunun 35-ci kilometrliyində Salyan rayonu ərazisində "KAMAZ” markalı yük avtomobili ilə "MERCEDES” markalı minik avtomobili toqquşub.
Hadisə yerinə cəlb olunmuş Fövqəladə Hallar Nazirliyinin xilasetmə qüvvələri "MERCEDES” markalı avtomobildə sıxılmış vəziyyətdə qalmış 1961-ci il təvəllüdlü Əliyev Sakit Davud oğlunun, 1994-cü il təvəllüdlü Sadıqova Xədicə Vüqar qızının və 1995-ci il təvəllüdlü Sadıqova Səbinə Vüqar qızının cəsədlərini çıxararaq aidiyyəti üzrə təhvil veriliblər. Əməliyyat saat 15:17-də başa çatıb.  (anspress.com)