İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov və müavini Bəhmən İmanov Sumqayıt Şəhər Polis İdarəsində monitorinq keçiriblər.
Bu barədə məlumat verən E. Behbudov bildirib ki, hazırda idarənin saxlanma yerində 17 nəfər saxlanılır: "Saxlanılan şəxslərdə təklikdə görüşdük, söhbət etdik. Saxlanma şəraitindən və onlara qarşı münasibətdən şikayətləri yoxdur. Bütün kameralar kondisionerlə təchiz olunub, saxlanma şəraiti standartlara uyğundur”.
E. Behbudov Sumqayıt Şəhər Polis İdarəsinin 2-ci və 4-cü polis bölmələrində də monitorinq keçirdiklərini bildirib: "Bizə müraciət edirdilər ki, 4-cü polis bölməsində müvəqqəti saxlanma yeri qanunsuz olaraq fəaliyyət göstərir. Biz həmin əraziyə baxış keçirdik, deyilənlər öz əksini tapmadı”. (apa.az)
Xəbərdən istifadə edərkən istinad etmək vacibdir.
