Dünən İmişlidə gənc oğlan narkotik maddədən istifadə etdiyi üçün ağrıdan qıvrılaraq əzab çəkib.
Hadisə şahidlərinin verdikləri məlumata görə, bu gecə saat 01:00 radələrində İmişlinin mərkəzi küçəsində bir gənc bayqın vəziyyətdə tapılıb. Daha sonra ətrafdakı insanlar olayın ciddi olduğunu görüb təcili tibbi yardım çağırıb.
Şahidlərin bildirdiyinə görə, təcili tibbi yardım maşınının gəlməyi ilə getməyi bir olub. Bayqın vəziyyətdə olan gənci isə nə xəstəxanaya aparıblar, nə də bir tədbir görüblər.
Verilən məlumata görə, gənc içkili olmayıb. Son zamanlarda bir çox ölkələrdə olduğu kimi Azərbaycanda da geniş yayılan "bonzai", " spays" adlı kimyəvi narkotik maddələrdən istifadə edib.
Hadisə yerinə polis əməkdaşları və təcili tibbi yardımın gəlməsinə baxmayaraq, gənc 04:00-a kimi rayonun mərkəzində qıvrılaraq yerdə qalıb.
Qeyd edək ki, sözügedən anlardan video görüntüləri bir azdan sizlərə təqdim edəcəyik. (olke.az)
Xəbərdən istifadə edərkən istinad etmək vacibdir.
