Xeberle.com-un məlumatına görə, bu gün günorta saatlarında Sumqayıtda yol nəqliyyat hadisəsi baş verib.  Qəza şəhərin 5-ci mikrorayon ərazisində baş verib. Belə ki, 50 AE 192 dövlət nömrə nişanlı "Daewoo" markalı 7 saylı marşrut avtobusu yol kənarında olan müşahidə kamerasının dirəyinə çırpılıb.  Zərbənin gücündən dirək aşaraq avtobusun altına düşüb. Hadisə nəticəsində 1 nəfər sərnişin xəsarət alıb. Dərhal əraziyə gələn Təcili Tibbi Yardım maşını xəsarət almış sərnişinə yardım göstərib. İlkin məlumatlara görə, qəzaya səbəb kimi sürücünün sürət həddini keçməsi göstərilir. Qəza nəticəsində avtobusa ciddi ziyan dəyib, ön hissəsi yararsız hala düşüb.
Faktla bağlı araşdırma aprılır. 
Xeberle.com